.

Wednesday, January 20, 2016

How To Write Headings In Html | Lesson 4 | Html Me Headings Kaise Likhte Hain

author photo

learn html in hindi tutorial


Lesson 4: Types of Headings in Html | Html Tutorial


Aapne pichle lesson me seekha <head> tag kya hota hai aur title tag kaya hota hai. Browser me title kaha par dikhayi deta hai ye bhi aapne seekha. Aaj ke lesson me hum kya kya seekhenge iska hum review le lete hain.
          
           ·       <body> tag kya hai
           ·       Body me kaun kaun se tag use karte hain
           ·       Heading tag kya hote hain
           ·       Heading tag kaise likhe jate hain

Html ke video tutorials ke bare me aapka kya khayal hai. Agar aap article ke sath video tutorial bhi chahte hain to aap hame comment karke bataye. Chaliye ab tutorial par aate hain.


Body Tag kya hai:

Body tag wo tag hai jo  Documentation ke liye use hota hai saral bhasha me yadi kaha jaye to, developer jo bhi body ke andar likhega, user kewal use hi dekh sakta hai.


Body me kaun se tags likhe jate hain:

Body tag ke andar bhi hum kai sare tags use karte hain jaise <h1>, <div>,<p>,<i> aur na jane kitne. Ye sabhi hum aage ke lesson me janenge. H1 tag hi heading ke liye use kiya jata hai. Div tag ki sahayata se hum kisi bhi size ka box tayair karte hain. P tag ka matlab hai paragraph aur baki ke <i> aur <b> tag italic aur bold karne ke liye use kiye jate hain.


Heading Tag kya hain:

Heading tags kisi bhi article ke heading ko likhne ke liye use kiya jata hai. Jaise ki agar hum ek news paper ka example le, to jo bade size me bold likha hota hai wo heading hoti hai ,aur baki ka neeche likha hua part Body kahlata hai. Headings 6 type ki hoti hain. h1, h2, h3, h4, h5, h6. Agar main aapse punchu ki kaun si heading ka size bada hoga. To aap kya kahenge? Kya H6….. Nahi mere bhai. H1 ka size sabse bada aur H6 sabse chhota. Vishwas nahi hota na. chalo code likhte hain aur output dekhte hain. Aap bhi mere sath likho…


<! Doctype html>
<html>
<head>
<title>
Heading ke types
</title>
</head>
<body>
<h1> ye heading 1 hai  <h1>
<h2> ye heading 2 hai  <h2>
<h3> ye heading 3 hai    <h3>
<h4> ye heading 4 hai  <h4>
<h5> ye heading 5 hai  <h5>
<h6> ye heading 6 hai  <h6>
</body>
</html>




Ho gaya bhai apna program taiyar. Chalo ab ise save kar lo save karna to aap seekh hi gaye hai. Aree yaar bhool gaye.. lesson 3 me maine screenshot me bataya hai, dekh lo. Jab aap naya program likhenge to notepad++ me pahle wala bhi show karta hai, to aap new per click karke program likhe aur phir ise dusare naam se save Karen. Aur haan aap ye program khud se type kare notpad ++ par. Apna kaam swayam kare (Gandhi ji ne kaha hai, maine nahin). Chalo ab joke band aur ab output dekhte hain.




Bolo bhai kya kaha tha. Hai na h1 sabse bada aur h6 sabse chhota.

Note: html language me space ka koi kaam nahi hai jab hum koi code likhte hai to hum kitne bhi space de uska koi farak nahi padta. Kewal jab hum h1 se lekar h6 tag aur <p> tag me space ko use karte hain to wo hame dikhayi padta hai.

To dosto, bhaiyo, aaj ke liye bas itna hi. Next lesson me hum paragraph tag <p> ko samjhenge sath me hi <center> , line brack tag <br/>, horizontal line tag <hr/> ko janenge aur inke bare me code likhenge.
Aapko hamare tutorial kaise lag rahe hain. iske liye hame comment kare. Aapko yadi is lesson me koi problem hai to aap comment karke punch sakte hain. post ko share karna aur digitonly ko subscribe karna na bhule.



This post have 0 comments


EmoticonEmoticon

Next article Next Post
Previous article Previous Post

Advertisement