.

Monday, January 18, 2016

Head Tag In Html | Lesson 3 | Hindi Me Html Seekhe

author photo

Lesson 3: Head Tag Kya hai Aur Title Tag Kya hai


Dosto, Aapne abhi tak basichtml ke program ko samjha, aur jana ki basic program kaise likha jata hai aur html program kaise save kiya jata hai. Agar aapko pichle tutorial me koi dikkat aayi hai to aap abhi use clear kar le.Apni samasya ko comment ke madhyam se hame bataye.

Aaj ke lesson me hum seekhenge <head> tag ke bare me.

* Head Tag kya hota hai.
* Head tag ke andar kaun kaun se tag use kiye jate hain.
* Title Tag kya hai aur iska use

                Dosto main apne tutorials se aapko aaram aaram se samjhaunga. Jisse aap bariki se samajh sake aur ek developer ki tarah html ke code ko likh sake. Aapko us level tak sikhaya jayega ki aap apna khud ka template aur widget bhi design kar saken. Aap logo se mera ek anurodh hai ki main job hi program batau use ek baar apne se khud type karke save kare aur result dekhe. Please aap program ko copy na kare, warna aap ache se nahi seekhenge. Chaliye ab tutorial par aate hain.



<head> tag kya hai:

Maine lesson 2 me head tag ko basic me samjhaya tha aaj use detail me samjhenge. Head tag me browser se related jankari ko rakha jata hai. Jaise maano agar main apne blog ya website ka font change karna chahta hoon to mujhe head tag ke andar us font family ko dalna padega. Ya main css se related program ko bhi head tag ke andar likhunga. Css ko hum web page ko sundar banana ke liye likhte hain. Html ki basic knowledge den eke baad main css ke tutorials bhi daalunga.

                     Jab hum head tag ke andar koi tag ko use karte hain to browser use samajhta hai, aur usi tarah se show karta hai, jis tarah ke aadesh hum use code ke madhyam se dete hain. Lekin ye information hum nahi dekh sakte. Kewal code likhne wala hi ise samajh sakta hai.

                    Head tag me hum <title> tag, <link> tag, <style> tag aur bhi bahut se tag use karte hain. Dheere dheere aab saare tags ke bare me janenge. Aaj hum title tag ko samjhenge.


<title> tag kya hai:

<title> tag ki help se hum page ke title name ko is tag ki sahayata se likhte hain. Aapne aksar browsers me tab ke upar kuch likha hua dekha hoga. Asal me wahi ek page ke title ko darshata hai. Aap neeche diye gaye screenshot ko dekhe.


                 Aapne dekha ki title tag browser me kaha dikhayi deta hai. Chaliye aaj jante hain ki title tag ko hum kaise likhte hain. Aap html ke basic structure ko samajh chuke hain, jise ki maine apne lesson 2 me samjhaya tha. Ab main ek code likhunga aur aap dhyan se samjhe ki title ko kaise likha jata hai.

<! Doctype html>
<html>

<head>
<title>
Yaha title likhte hain
</title>

</head>
<body>
</body>
</html>

Maine ek code likha hai jisme maine head tag ke andar title tag ko likha hai. Fir title tag ke andar title ka naam. Aap jo bhi title name dena chahe de sakte hain. Neeche aap notpad++ ka screenshot dekh sakte hain.
     

                                                         
Ab isi tarah se aap apne code ko bhi likhe. Please please aap ise copy na kare. Warna aap acche se nahi seekh payenge. Jab aap apna code khud likhenge to aapke andar confidence aata hai. Aur aap interest ke sath jaldi aur effective seekhenge. Ab aap apne program ko save kar le. Neeche screenshot dekhe.



                       
Aap hyper text markup language(*.html,*.htm,…..) wale option ko chune. Ab aap kisi folder me ise save kare. Tab aapki file is tarah se dikhegi. Necche picture dekhe.



                                                            
Maine program ka naam “basic title tag” rakha hai. Aap apni marzi se rakh sakte hain. Chaliye ab aap is par double click kare. Fir aapka program default browser me open hoga. Mera default browser Firefox hai. Aapka job hi default browser hoga usi me aapka program open hoga. Ab aap iska output dekhe ki aapka title name browser me kaha par dikhayi de raha hai.



                                                    
Aapne dekha ki aapka title name browser me kaha par dikhayi deta hai. Lekin agar aapne dhyan se dekha ho to browser me baaki ki jagah khali dikh rahi hai. Wo is liye kyo ki jo bhi hum <body> tag ke andar likhte hain kewal wahi hum browser ke is section me dekh sakte hain. To dosto aaj aapne title tag ko likhna seekha aur title kaise likhte hain ye bhi seekha.
Dosto aaj ke liye bas itna hi, next lesson me hum headings ke bare me janenge, ki kitni types ki headings hoti hain. Aur apni post me hame kaun si heading ka use karna chahiye.


                    Dosto abhi main html ke article ke madhyam se aapko hindi me html sikha rahe hain. Agar aap video ke madhyam se html seekhna chahte hain to hame comment karke bataye. Aapko hamare tutorials kaise lage iski jankari hame jaroor de. Ye tutorial aapko email me mil sake iske liye aap digit only ke news latter ko subscribe kare. Hamare blog ko apne browser me bookmark zarror kare. 

This post have 2 comments

avatar
kartik delete May 17, 2017 6:34 am

html to hm storage mesave karte he to bhla browser me kese show hoga

Reply
avatar
Digit Only delete June 14, 2017 6:05 pm

jab aap .html me file ko save karenge tab aapko open as Mozila browser ya Chrome karna hoga.

Reply


EmoticonEmoticon

Next article Next Post
Previous article Previous Post

Advertisement