.

Thursday, January 14, 2016

Basic Structure Of Html | Lesson 2 | Hindi me Html seekhe

author photo




Lesson 2: Html ka basic program | Html 5 Hindi Tutirial


Hindi me Html seekhne ka aaj ka dusara lesson hai. Aaj hum kya kya seekhenge zara gaur kare.

*  Tags kya hote hain
*  Html ka basic structure kya hai

Maine apne Pahle lesson me bataya ki code ko likhne ke liye notepad ++ ko aap apne computer me install kar le. Main maan kar chalta hoon aapne pahla lesson follow kiya hoga.


Tags kya hain:


Html ke code me aapne Aksar <> is tarah ke bracket ko dekha hoga aur iske andar ek word ko dekha hoga. Example ke liye <head> , </head> , <body> , <b> , <style> , <i> . Aise na Jane kitne word is bracket ke andar dekhe honge. Inko hum tags kahte hain.
Tags bhi 2 type ke hote hain ek opening tag aur dusara closing tag. Jab Koi tag use kiya jata hai to uska opening tag aur closing tag dono ek sath use kiye jate hain aur Unme andar hi Hame data ko likhna hota hai. Jaise <head> ek opening tag hai aur iska closing tag </head> hai.
Magar Ye zaroori nahi ki har opening tag ka closing tag ho. Kuch tags single bhi use kiye jate hain. Jaise </img>.


Html ka basic structure kya hai:


Html ka code likhne ke liye ek fix structure hai Jisme Hame code ko likhna hota hai. Html ka output ham kisi bhi browser me dekh sakte hain. Html ka code bahut dhyan se likha jata hai kyo ki Isme program ko browser me open kiya jata hai jo ki Koi error nahi deta. Chaliye html ke basic structure ko dekhte hain fir iske har part ko samjhenge.



Also Read: Lesson 1

Upar diya gaya code html ke basic structure ko batata hai. Pahli line ka matlab hai ki jis language ki ham coding karne ja rahe hain wo html me hai aur Uske sare jaroori document yaha attach ho jaye.

Fir Maine <html> tag ko use kiya hai. Iska matlab Ye hai ki hamara code html me hai. Dhyan rahe saara code html ke opening aur closing tag ke andar hi likha jayega.
Ab iske neeche do part hain ek head aur dusara body. Pahle hum head ki baat karenge.

<head> tag:


Head ke andar, Yani head ke opening aur closing tag ke andar likha hua code read nahi kiya ja sakta. Ye code kewal browser ke liye hota hai. Isme hum jo bhi coding karte hain Uske.



Dwara hum browser ko aadesh dete hain. Text ko khoobsurat karne ke code ko bhi isi ke andar likha jata hai. Title tag, Meta tags , style, font, scripts Sab isi ke andar likhi jati hain. Aage hum ise detail me samjhenge.


<body> tag:

Body tag ke andar hum jo bhi likhte hain wo browser me show hota hai. Koi paragraph agar Likha jayega to use isi tag ke andar likha jayega. Is tag ke andar likhe content ko ham padh sakte hain.


Html ke program ko kaise save kare:


Jaisa ki Maine bataya ki aap notepad++ ka use kare. Jab aap apne code ko likh le ya do ya teen  line likhne ke baad Pahle apne program ko save Karle. Maano aapne apne program ka Naam "first code" rakha to aap apne program ka Naam "first code.html" ke Naam se save kare. Ya neeche aap save karne ka type select kar Le. Fir iske baad aap apne program ko kisi browser me open kare. Browser jaise Firefox, opera, chrome ya internet explorer.




Aaj ke lesson ke liye bas itna hi. Agar aapko Koi doubt hai ya Koi question hai to yaha comment karke aap hamse iska ans pa sakte hain. Aapko hamare lesson kaise lage Ye Hame zaroor bataye.

Next lesson me ham seekhenge. Head tag ke andar hum Kaun Kaun se tags use karte hain. Aur basic tag <title> ke baare me.

Aap agar hamare tutorial se html seekhna chahte hain to aap hamari post ko apne email se bhi padh sakte hain. Iske liye aap hamare blog ki subscribe karna na bhule.



This post have 2 comments

avatar
Irshad Rana delete June 23, 2017 1:03 pm

Bhot acchi post hai bro muja bhot easily samaj ayi

Reply


EmoticonEmoticon

Next article Next Post
Previous article Previous Post

Advertisement