.

Friday, March 10, 2017

Adsense Ke Liye Kab Apply kare | Adsense tips and tricks in hindi

author photo
Adsense account pana har blogger ki zaroorat hai aur sapna bhi. Har blogger jab blog banata hai to wo usse kamane ke bare me sochne lagta hai, aur jisme adsense uski pahli pasand hota hai. Lekin adsense ka account pane ke liye bahut kuch karna padta hai. Jab kisi ke paas adsense account nahi hota hai to bhi wo blog se kamayi kar sakta hai, to blog se kamane ke bahut se tareeke hain, iske bare me maine pahle bhi bataya hai.


google adsense apply karne se pahle kya kare, google adsense tips and tricks in hindi



Aaj ke is article me aap janenge ki adsense apply karne se pahle apne blog ko kaise taiyar kare, matlab ki blog par jaldi adsense pane ke liye blog kin kin conditions ko follow karna chahiye. Aaj ka article aapke andar paida hone wale sabhi question jaise- Adsense ke liye kaise apply kare, adsense ke liye kab apply kare, adsense ke apply karne se pahle kya kare, adsense ke liye kab apply kare, adsense tips and tricks in hindi, aur jo bhi question andar jag raha ho to sabka ans dega.


Adsense Ke Liye Kab Apply Kare:


Jab aapka blog kisi level par pahuch jata hai tab aapko isse kamayi ka man karne lagta hai, ye swabhavik hai, hum mehnat kar rahe hain to kuch pane ke liye. But isse dusaro ki help bhi ho jati hai aur kamayi bhi. Kuch bate hain jinko aapko dhyan rakhna hoga. Aur main yaha par jo point cover karne wala hoon wo sabhi aise hain jo ki maine khud apply kiye hain. 

Apne ghar me main blogging kar raha hoon, aur tab maine socha ki shayad chhote bhayiyo ko bhi blogging ke liye motivate kar saku, to maine Apna pahla Blog banaya, aur fir 32 article likhne ke baad adsense apply karne ka button show hone laga. Fir maine 4 adsense account banaye wo bhi next one month me. To aisa maine kaise kiya aur mujhe adsense ka account jaldi kaise mila, inhi sab bato ke bare me main aapse kuch adsense tips and tricks share karne ja raja hoon, inhi point se apko pata chalega ki adsense ke liye kab apply kare.





Hindi Blog Banaye:

Blog chahe hindi me ho ya english me adsense ab dono ke liye apply kiya ja sakta hai. 2011 se hindi ke liye adsense apply karna allow kiya gaya tha, lekin kuch 1 saal se ye note kiya hai maine ki hindi bhasha ke blogs ko adsense approval bahut jaldi mil raha hai. Agar aap india me hain to aap sabse pahle ek 20 se 25 article ka ek hindi blog banaye, fir aap isme apni english website bhi jod sakte hain. ye main adsense trick hai.

Blog design:

Adsense apply karne se pahle ye dhyan dena bahut zarrori hai ki apke blog ka design kaisa hai. Agar jamane ke sath aap nahi chal rahe hai to aap peeche hain, aur agar aap peeche hain to technology ke bare me aapko nahin pata hai, isliye update rahna bahut zaroori hai. Blog ki design ki baat kare to aap kuch point dhyan rakhe.


  • Blog Responsive hona chahiye
  • Blog simple look ka ho
  • Kisi ek theme based color ka hi istemal kare.
  • Mobile friendly hona chahiye.

Blog Content:

Agar aapka blog hindi me hai to aapko jyada mehnat nahi karni hai, uska sabse bada karan hai ki hindi blogs me competetion abhi kam hai aur wahi english blogs me competition bahut jyada hai. To aapko content ki jyada fikar nahi karni hai bas itna dhyan rakhna hai ki aapka blog kuch bato ko follow karta ho jo main aapko neeche bata raha hoon.

  • Copy na kare, Agar aap bhi same topic par likh rahe hain to use apne tareeke se likhe.
  • Article kam se kam 400 word ke hone chahiye. isse jyada ho to bhi achha hai.
  • Blog me jyada images use na kare, nahi to speed kam ho jayegi.





Keywords ka dhyan de:

Jab bhi aap koi article likhe to aise likhe ki aap use search engine me pahle no par lane ke liye hi likh rahe hain na hi apne blog par post ki sankhya badhane ke liye. Kabhi bhi article ko jald waji me na likhe, kyo ki ek article aapko bahut dino tak kama kar deta rahega. Isliye jab aap koi bhi article likhe to keyword ka istemal kare. kewords lya hote hain aur ise kaha kaha use kiya jata hai ise main kuch point me bata deta hoon.

  • Apne main keyword ko phle aur last paragraph me use kare.
  • keyword ko 2-3 % tak zaroor use kare.
  • Keyword ka istemal image me kare.

SEO (Search Engine Optimization) kare:

Pahle to aap ye soch le ki aap jis blog se kamane ka soch rahe hain, google adsense usse pahle sochta hai. Kyo ki jab aap kamayi karoge to wo bhi karega. Lekin wo use approval pahle dega jo search me pahle aate honge, kyo ki wahi use kamane ka bhi mauka denge. Isliye aapko apne har article ko aise likhna hai ki wo seach me pajle no par aaye aur uski search rank jaldi improve ho.

Google Analytics Account:

Aap apne content aur apne blog par kitna dhyan de rahe hain, iski bahut ahmiyat hai agar aapka analtics account nahi bana hai aur aap ne ise apne blog se nahi joda hai to adsesne account zaldi nahi milta hai. Adsense apply karne se pahle google analytics account zaroor bana le.

Search Console Account:

Analytics account jitna zaroori hai theek utna hi zaroori hai google search console account. Aur kewal account bane se hi nahi hoga, account banane ke baad aap apni website ka sitemap dale, robot.txt file add kare, Aur articles ko index kare. kyo ki shuru me google ko aapke blog ke bare me nahin pata hota hai.



Koi Ads Na lage ho:

Kya aap us ghar me rahna chahenge jisme pahle se koi rah raha ho? nahin na. To aap mera isha samajh gaye honge. Adsense apply karne se pahle koi bhi advertising network aap use na kar rahe ho. Yaha tak ki aap ko url shortner, jisse kamyi hoti ho (adf.ly aur shorte.st) ka bhi use na kare. Adsense apply karne se pahle aap koi affiliate banner ka bhi use na kare, jab aapko approval mil jaye tab aap use kare.

Lagatar Likhte rahe:

Blog banane ke baad ise bhool na jaye, jab tak sign up ka button na aa jaye tab tak har din ya ek din chhodkar kuch na kuch likhte rahe. Aur dhyan rahe ki aap kisi ek niche ko hi cover kare, aur uske blre me apne blog description me zaroor likhe, jisse google ko pata chalega ki aapka blog kis bare me hai.


Kuch Choti Bate:

Upar jo baate maine aapko batayi hain wo ek blog bane ke baad bahut zaroori hain tabhi aap adsense appoval jaldi pa sakte hain. Aap ise adsense approval pane ki tips and tricks samjhe ya adsense ke rules. Lekin iske baad bhi aapko kuch bate dhyan rakhni hongi.

Jaisa ki google kahta hai ki blog banane ke baad adsense ke liye kab apply kare, to ise liye usne kuch sharte rakhi hain, lekin mere hisab se wo ek hindi blog ke liye nahin hain. Kyo ki maine aaj se 1 month pahle ek blog banaya www.gyanitota.com, fir isme 10- 12 aricle likhe aur mujhe adsense account banane ke liye option milne laga, aur mujhe vishwas hai ki agar main apply karu to mujhe mil bhi jayega, kyo ki aisa main pahle bhi kar chuka hoon.

To jin bato ko maine aapko batya ki adsense apply karne se pahle kin kin bato ko dhyan rakhna chahiye, wo aap note kare le. Lekin iske alawa kuch point aise hain jinka hona bahut zaroori hai.

  • Top level domain hona chahiye (.com,.in, .org, .co.in, .net)
  • 400 words se jyada ke article hone chahiye.
  • Privecy, contact Us , About Us, Terms And Condition and disclaimer page hona zaroori hai.
  • Blogger ki age kam se kam 18 Saal ki honi chahiye.
  • Blogger ke paas ek Apna personal Bank account hona chahiye.
  • Meta Tags Hona chahiye.
  • Alexa Toolbar aur alexa widget ka use kare.
  • Blog par acchi theme use kare.
  • Blog ki speed Achhi rakhe.
  • Images ko Optimize kare.
  • Google Adsense Policy Padhe.
  • Google Terms Condition ko mane.

Maine Bahut se point cover kar liye hain jo ki adsense account apply karne se pahle aapko dhyan dene chaiye. Agar aap google adsense policy aur google Terms condition nahi bhi padhte hain to bhi aapko google adsense approval mil jayega.

To Aaj ke is article me maine jo aapko batya wo ek tarah se adsense tips and tricks hi hain, ya yun kahe ki adsense apply karne se pahle ye sab karna bahut zaroori bhi hai. Aapko maine best Adsense tricks di hain, iske baad bhi agar koi doubt hai to aap pucnchiye. Aur agar aapko approval nahi mil pa raha hai to aap khud ko check kare aur jane aakhir adsense approval kaise milega aur iske liye main kya galtiya kar raha hoon.

This post have 0 comments


EmoticonEmoticon

Next article Next Post
Previous article Previous Post

Advertisement