.

Thursday, December 22, 2016

Blog Banakar Paise Kamaye | Ghar Baithe Paise Kamaye

author photo

Blog banakar paise kaise kamaye jisse aap ghar baithe paise kama sake. Internet ki duniya me bahut paisa hai agar aap thoda sa bhi talent rakhte hain to aap asani se paisa kama sakte hain. Apko viswas nahi hoga agar main aapse kahu ki internet se paise kamane wale is samay 20,00,000 rupaye month me kama rahe hain. Aur videsho me isse bhi jyada log paise kama rahe hain. Aaj ka jamana  aisa hai ki aap bina kisi office aur bilkul na ke barabar paise lagakar ghar baithe paise kama sakte hain. Aap blog banakar paise kamakar har wo kaam kar sakte hain jo log job karte hain. Blog se paise kamane me na to aapka koi boss hoga aur na hi office jane ki jhanjhat. India ke top bloggers aaj ek industry ke barabar paise kama rahe hain.







blogging se paise kaise kamaye jate hain


Agar aap koi job kar rahe hain to main manta hoon ki aap 30,000 se 50,000 tak ki earning kar rahe honge. Aur is job se aap shayad khush bhi honge. Lekin shayad aap apna 100% nahi dete honge. Ek businessman apne business me 100% deta hai. Lekin agar aap business bhi karte hain to bhi aap bina investment ke itne paise ghar baithe nahi kama sakte hain. Kewal ek computer aur internet connection se aap paise kama sakte hain. Na koi office na koi employee aur na hi payment ka jhanjhat. Jab aap bussiness karte hain to aapke paise time par aayenge ya nahi iska koi fix time nahi hota hai. Paise fas bhi sakte hain. Lekin blog se paise kamane ke tareeke se aap time se payment pa sakte hain. Aur aapke bank account me automatically paise aa jate hain. Aaj main aapko saare tareeke bataunga ki kaise blog se paise kamaye jate hain. Main kuch indian bloggers ke bare me bhi bataunga jo lakho me paise har mahine kama rahe hain.


Aaj ke is article me aap kya kya janenge is par ek nazar daal lete hain.


  • Blog kya hota hai.
  • Blog se paise kaise kamaye hain.
  • Blog kin bhasha me likha ja sakta hai.
  • Blog se paise kamane ke tareeke.



Upar jo point maine bataye hain uske alawa bhi kuch point aur bataunga. Chaliye anek ek karke discus karte hain.


Blog kya hota hai:


Blog internet world me ek aisi jagah hoti hai jispar aap apni baat likh sakte hain. Aap koi article likh sakte hain,aap poem ka blog bana sakte hain, aap mobile information ka blog bana sakte hain. Aap agar ek teacher hain to bhi aap apne tutorial dekar ek blog bana sakte hain. Aap agar kisi bhi tarah ka gyan rakhte hain aur sochte hain ki isse kisi ko fayda hoga to aap us vishay par apna ek blog bana sakte hain.


Blog aur website dikhne me to ek se maloom hote hain lekin dono me bahut difference hota hai. Website kisi organization ya institution ya company ke bare me batata hai. Ye kisi particular ki information hi rakhta hai. Jabki blog ek informational website hoti hai. Jaha aap different different articles likh kar apne visitors ki information de sakte hain.

Is tarah aap ek blog aur website dono hi bana sakte hain aur dono se hi paise kama sakte hain. Lekin blog se paise jyada kamaye ja sakte hain. Agar aap example se samajhna chahte hain to aise samjhe ki www.digitonly.com ek blog hai jaha alag alag articles likhe hue hain. Jaise maine ek article likha hai "Khoye hue pan card ko kaise paye" . To ye ek article hai jo ye batata hai ki aapka khoya hua pan card dubara kaise mil sakta hai. Lekin agar ye dekha jaye pan card ki website ek website hai jaha kewal pan card se sambandhit topics honge. Blog aur website ke bare me aapne jaan liya hoga.


Blog se paise kaise kamate hain:


Jab aap apne blog par achhe aur unique article likhte hain to google unko track kar leta hai. Aur jab bhi koi vyakti usse sambandhit kuch search karta hai to aapki website show karta hai fir jab visitor uspar click karta hai to aapka blog khul jata hai. Is tarah se to hum visitors ko apne blog tak lekar aate hain.


Iske baad jab visitor hamare blog par aane lagte hain tab advertisement company isko track karti hain ki kaun sa blog is samaye achhe visitors attract kar raha hai. Agar company apna advertisement blog par lagana chahta hai to wo aapse contact karega aur aapse advertisement lagane ka paisa bhi puchega. Wo aapko ek ad lagane ka paisa punchega aur per month ke hisab se aapko har month payment kar dega. Kuch companies cpc( cost per advertisement click) ya cpm(cost per 1000 views) ke hisab se bhi payment karti hain. Is method ke alawa aur bhi tareeke hai jisse aap paise kama sakte hain. Wo hum aage discus karenge.



Kis bhasha me blog likhe:

Waise to blog kisi bhi bhasha me likha ja sakta hai, lekin agar aap blog se paise kamana chahte hain to aap india me 2 bhashao me blog likh sakte hain. Ek English aur dusara Hindi. Lekin hindi me blog likhne par kuch hi company paise kamane ka mauka deti hain. Jyadatar company english ko hi support karti hain. Lekin agar aap hindi blog se hi likhkar paise kamana chahte hain to koi ghabrane ki baat nahi hai. Aapke pass bahut mauke hain. Chaliye jante hain ki ek blog banane ke baad blog se paise kamane ke tareeke kya hain.


Blog se paise kamane ke tareeke:


Agar aap ek achha blog banane me safal ho jate hain aur accha material apne blog par Likhte hain to aap khoob paise kama sakte hain. Ek blog hai www.acchikhabar.com jo ki pure hindi based blog hai. Blog ke owner ka kahna hai ki wo har din 1,00,000 page views pate hain. Iska matlab hai 50,000 se 60,000 tak daily visitor unke blog ko dekhte hain. Aur wo apne pure hindi blog se 200,000 rupaye per month ke hisab se kama bhi rahe hain. Jisme blog se kai tareeko se paise kamaye ja rahe hain. Theek is tarah se aap bhi paise kam sakte hain. Chaliye jante hain kuch tareeke.


Google Adsense :

Halaki google adsense ko cpc based advertisement kaha jata hai, jaha blog owner ads par aaye hue clicks se paise kamata hai. Jitne jyada visitor utne jyada clicks aur jitne jyada clicks utne jyada rupaye. Google Adsense ke alawa aur bhi bahut se network cpc based hain, lekin google adsense hindi ko support karta hai aur sath hi ye world ka sabse bada online advertising network hai, ye safe aur trusted bhi hai isme hamesha time par payment aati hai.


Agar aap english bhasha me blog likhte hain to aap chinta na kare aapke paas bahut se cpc network hain. Jaise Yahoo media network, chitika aur bhi bahut. But abhi tak poore world me google adsense ko sabse achha bataya gaya hai. Aur main bhi aapko adsense ki hi salah deta hoon.


File uploading:

Agar aap koi software ya koi book likhte hain to uske per download ke hisab se paise le sakte hain ya free download ka option bhi de sakte hain. Lekin aap free download se bhi paise kama sakte hain. Kuch websites aisi hain jaha data upload karke download karne ke paise diye jaye hain jaise www.fileice.com iske alawa aur bhi bahut websites hain.


Affiliate marketing se:


Aaj jal affiliate marketing se bahut paisa kamaya ja raha hai, uska karan hai online kharidari, jitni jyada online kharidari ki jayegi utna jyada is tareeke se paisa kamaya ja sakta hai. Flipkart, snapdeal, amazon jaisi companies ke affiliate link ko apni website ya blog par dale aur koi is link ke through koi bhi product leta hai to use uska percent profit mil jayega. Big sales ke time par affiliate marketing se per day 100000 rupaye tak kamaye ja sakte hain. Example ke liye ek blog hai www.onepromocode.com jo ki per day 20000 se 30000 rupaye kama raha hai aur sale ke time par 80000 se 100000 rupaye.


Url shortening :

Aap koi bhi tanding topic ko lekar ek url ko short kar le aur use masala lagakar ek chatpati heading banaye jisse ki uspar click karna logo ki mazboori ho jaye. Aisi website 1000 clicks ka 3$ tak deti hain agar aapka blog achha traffic rakhta hai aur aap 10 url par clicks paate hain to aap apneB jeb kharch ke liye aaram se paise kama sakte hain. Ye aisa tareeka hai jise kisi aur bhi tareeke ke sath prayog kiya ja skta hai.


Sale product:

Aisa nahi ki aap kewal kuch likhkar hi paise kama sakte hain. Jaisa ki maine pahle bhi bataya ki blog ya website se kisi bhi tareeke se paise kamaye ja sakte hain. Agar aap koi product bana rahe hain to aap ise sale karke bhi paise kama sakte hain.


Popularity se:


Popularity se mera matlab hai ki apne aap ka advertisement karke. Agar aap apne shahar me achha business kar rahe hain aur ek website banakar aap apne business ko poore world me show kar sakte hain. Jisse aapki popularity badhegi aur aapka naam hoga. Waise bhi apne business ke liye aaj kal ek website banwana normal si baat ho gayi hai. Aur jo log website banwate hain wo visitors ko achhe se attract kar lete hain. Website hona aaj kal trend me hai.


Famous log to aaj kal apni website banate hi hain aur sath hi wo apni ek nayi pahchan bhi bana rahe hain. Agar aap ek doctor hain to aap apni website banwa sakte hain jisse aapki pahchan badhegi aur world ke log aap se jud bhi sakenge aur aap popular bhi honge. Jab aap popular honge to aapke business me fayda double bhi ho sakta hai ya usse bhi kahin jyada.




Tution dekar:


Online tution aaj kal itni tend me hai jiska jawab nahi. Bacha bacha aaj koi bhi topic padhne se pahle google par search kar raha hai. Agar aap bhi ek teacher hain to aap apne tutorial youtube par upload kar de aur fir ek website ya blog se un sabhi videos ko jod se jisse ki aapke paas do tarah se visitor aaye aur aap do tareeke se paise kama sake. Ek to aapke paas youtube par visitor aayenge aur waha se aap earning kar payenge. Sath hi aap apni website se bhi paise kama sakenge.

Website ya blog se paise kamane ke tareeke bahut hain. Aapke paas thoda bhi hunar hai to aapko paise kamane se koi nahi rok payega. Agar aap blog ban lete hain aur aap seo ki knowledge rakhte hain to bahut hi achhi baat hai. Aur agar aap blog banana bahi jante hain to aap experts se blog banakar ghar baithe lakho paise kama sakte hain. Blog se earning ka 100% hoti hai, bas sahi tareeke se bana blog aur perfect seo aapke samne visitors ki line laga dega aur aap bahut bahut bahut kama sakte hain.

Log dar dar bhatak kar naukari dekh rahe hain jabki blogging karne wale apni 50000 ki naukari chhodkar blogging kar rahe hain. Harsh agrawal www.shoutmeloud.com ke owner hain jinhone 2006 se blogging start ki thi aur kewal interest ke liye. Aur tab wo ek software company me kaam karte the. Lekin kuch dino baad hi unhe achha profit hone laga aur 1 saal ke baad unhone apni job chhod di aur aaj wo 15,00,000 se 18,00,000 rupaye per month kama rahe hain. Wo sabse Jyada affiliate marketing ka use karte hain.
Aise hi www.achhikhabar.com ke owner Gopal ji ne bhi apni job chodi aur aaj lakho me paise ghar baithe kama rahe hain. Ek blogger www.labnol.org ke owner Amit Aggarwal per month 1,50,000 se 2,00,000 rupaye kama rahe hain. Aise hi na jane kitne blogger hain jinhone apni job chhodkar blogging ko apna career banaya. Ya jinhone shuru se hi blogging ko apna career banaya.








Blogging se paise kamane ke labh:



  • Blog se paise kamane ke labh bahut adhik hain aur iske kuch labh main aapko batata hoon.
  • Blogging se paise kamane me aapko koi investment nahi karna padta hai.
  • Blogging me aap apne boss khud hote hain.
  • Blogging karke aap 100% satisfaction payenge. Jo ki ek business me milta hai.
  • Blogging me risk nahi hota, kyo ki aap kam investment se adhik se adhik kama sakte hain ya yun kahe limitless kama sakte hain.
  • Blogging naye jamane ka ghar baithe paise kamane ka tareeka hai.
  • Aap apna poora time family ko de sakte hain.
  • Jis din aapka man nahi hai to aap kaam na bhi karenge to koi aap par pressure nahi daal sakta.
  • Blog banane se latest news and technology se updated rahte hain.
  • 100% satisfaction ke karan stress nahi rahta, man khush rahta hai, kuch naya karne ka man rahta hai.
  • Student se lekar old age tak aap blogging karke paise kama sakte hain.


Kuch Indian Bloggers ki List:


Main aapse nahi kahoonga ki aaj aap sab chod kar bas blogging karne lage, main aapko bas kuch indian bloggers ke bare me bataunga jo ki lakho me ghar baithe kama rahe hain. Aap unki website dekh sakte hain. Jab unhone blogging start ki thi tab wo bhi yahi samjhte the ki blogging se paise nahi kamaye ja sakte. Lekin jinhone apni job chhodkar ise apna career banaya hai wo aaj aapke samne jeeta jagta udaharan hain, to main aapko kuch bloggers ki list deta hoon jinke blog ka naam aur unki earning ke bare me bataunga.


  1. Amit Agrawal (www.labnol.org) - 30,00,000 Rs/month
  2. Harsh Agrawal (www.shoutmeloud.com) - 18,00,000 - 20,00,000 Rs/ month
  3. Shraddha Sharma (www.yourstory.com) - 20,00,000 Rs/ month
  4. Amit Bhawani (www.amitbhawani.com) - 15,00,000 Rs/month
  5. Faisal Farooqui (www.mouthshut.com) - 15,00,000 Rs/month
  6. Arun Prabhudeshai (www.trak.in) - 13,00,000 Rs/month
  7. Raju PP (www.techpp.com) - 10,00,000 Rs/month
  8. Sriniwas Tamada (www.9lesson.org) - 8,00,000 Rs/month
  9. Jaspal singh (www.savedelete.com) - 6,00,000 Rs/month
  10. Imran Uddin (www.alltechbuzz.net) - 6,00,000 Rs/month


Abhi ye kewal 10 top bloggers ki hi list hai. Lekin iske alawa bhi bahut se bloggers hain jinhe kam log hi jante hain. Aur bhaut se bloggers apni blogging income share hi nahi karte. Main ye nahi kahta ki aap bhi blogging karke itna paisa kama sakte hain. lekin ek baat hai ki agar mehnat ki jaye to 1,00,000 Rs/month kamana blogging se mushkil nahi hai. Bas sahi disha aur strategy se aap ek achhe blogger bankar achha paisa kama sakte hain. Upar diye gaye top 10 indian bloggers ki earning lagbhag me hai, ye isse jyada bhi ho sakti hai ya thoda sa kam hogi. Iska matlab ye hai ki jo blogger 15,00,000 per month kama raha hai wo 17,00,000 rs per month bhi kama sakta hai aur kisi month 14,00,000 per month bhi.

English blogger aur hingi bloggers me bhi bahut farak hai, english blogging me competition bhut hai, lekin iska matlab ye nahi ki aap achha nahi kar sakte hain. Perfect SEO ki madad se aap apne blog ya website ko serch engine me achhi position me la sakte hain Aur achhe paise kama sakte hain. Agar aap bhi ghar bithe paise kamana chahte hain to aapko aaj hi apna ek blog banana chahiye, aap agar blog nahi bnana jante hain to aapki madad hum karenge.

Blogging jitni saral dikhti hai utni hi kathin hai, agar aap ek ache writter hain to aap ek book likh sakte hain, apki book ko publisher ki zaroorat hogi lekin blogging me aap apne publisher khud hote hain. Aap jab chahe jaisa chahe likh sakte hain. aap swatantra hain, is liye aap apne blog ke madhyam se kuch bhi kah sakte hain. Shuru shuru me blogging thodi kathin hoti hai, theek us tarah jab koi apni new shop bilkul naye arera me kholta hai. Jab koi apni shop kholta hai tab use bahut sabar karna hota hai aur customer ke aane ka intezar karna hota hai, Yaha visitor hi customer hota hai. Jab aapki shop ke bare me logo ko pata chalta hai tab dheere dheere customer aana shuru hote hain, Theek aisa hi blogging me hota hai, jab visitors ko aapke blog ke bare me pata chalta hai tab apka blog google jaldi index karne lagta hai. Lekin iska matlab ye nahi ki kewal time lagane se hi blog poular hota hai. Iske liye kuch bato ko dhyan rakhna hota hai. chaliye jante hain ki ek blogger ko Blog shuru karne se pahle kin bato ko dhyan me rakhna chaiye.


Kuch Important Baten Jinhe Yaad Rakhen:

Blog banane me koi jyada waqt nahi lagta mahaj kuch ghanto me aap ek blog ko set kar sakte hain. Aur fir ispar 20-25 article likhkar blogging shru bhi kar sakte ho. Lekin iska matlab nahi ki aap blogger ban gaye. asli balogging to blog ko banane ke baad hi start hoti hai. Asal me hota kya hai jydatar blogger blogging ye sochkar start karte hain ki main bhi top bloggers ki tarah blogging karke 20 lakh rupaye per month kamana shuru kar dunga. To wo shuru ke 1-2 month ji lagakar blogging karta hai, aur jo man me aata hai wo likhne lagta hai.

Fir kuch dino bad hi sochne lagta hai ki ab paise aana shuru ho jayenge, lekin aisa nahi hota hai. Kyo ki uska poora dhyan paisa kamane par hai na ki achha content likhkar logo ko provide karane me. Jab koi blogger paisa kamane ka na sochkar bas achha likhne me man lagata hai wahi ek successful blogger banta hai. Maine hazaro aise bloggers dekhe hain jo blog start karte hain aur kuch hi dino me blogging karke blog ko wahi par chhod dete hain. Bas yahi unka sabse galat kadam hota hai. Agar aap apne blog par 50-60 achhe article likhenge jike bare me jyada search hota ho to bhi aap 10,000 se 20,000 rupaye per month aram se kama sakte hain.

Ye to main un bloggers ka bata raha hoon jo blogging me lazy hain aur kuch naya try nahi karte hain. lekin agar aap blogging se bada kamana chahte hain to aapko kuch bato ka zaroor dhyan rakhana hoga.






Content Achha Likhe:

Blogging ka sabse important point yahi hai ki aapka likha hua matter sabse achhi quality ka hona chahiye. Matlab jab bhi aap koi article likhe tab aap apni jaan laga de, usme aap SEO ka use kare, uska presentation achha ho, blog simple look ka hona chhiye, aisa nahi ki jab aap likhe to alag alag color se likhe. Kewal bloack and theme color ka hi use kare. Article kam se kam 1000 words ka hona chahiye. Agar koi article isse kam ka hai to wo bahut hi jyada informative hona chahiye.


Ek Din Me Ameer Banna Na soche:

Jaisa ki maine aapko top 10 indian bloggers ke bare me bataya, wo ek din me ameer banne ka sochte to shayad is mukam par na pahuchte. Amit aggrawal ne 2004 me blogging start ki thi, aaj wo is mukam par hain ki wo ek choti industry ke barabar kama rahe hain. Aapko bhi bas apne kaam par dhyan dena chahiye, na ki ek din me ameer banne ka sochna chiye.


Blogging Na chode:

Agar aapne blogging start ki hai aur apna adsense account activate kar liya hai to aapko blogging karte rahna chahiye. Main aapko yakeen dilata hoon ki aap ek din apni job se jyada kamayenge. Agar aap job bhi karte hain to bhi aap 2 din me ek achha sa article likh sakte hain. Bas thoda sa time nikal kar blogging karte rahe. Agar aap 2 ghante per day blogging ke liye nikal sakte hain to aap ek achha blog chala sakte hain. Lekin Blogging ko band karne ke bare me kabhi na sochna.


SEO Ki Knowledge:

Agar aap blogging kar rahe hain aur apna keemati waqt bhi laga rahe hain magar aap seo nahi jante hain to aap apne blog ko famous nahi kar payenge. Is liye blogging me SEO ka janna bahut zaroori hai, bahut se blogger SEO nahi jante hai to wo experts se paise dekar SEO kara lete hain. Aap agar seekh sake to achha hai warna itni chinta ki baat nahi hai.


Article ki Frequency:

Article ki frequency se mera matlab hai ki agar aap roz ek article likhte ho aur kuch dino baad 2 article roz likhe aur fir kuch dino ke baad blogging chod de, fir kuch dino bad 4 article likhe, fir 10 din blogging band kar de, fir 5 din blogging kare. To aisa karna blogging me sahi nahi hota hai. Agar aap roz ek article likh rahe hain to ek hi likhe aur agar aap 2 likh rahe hain to 2 article likhe. Haan beech beech me 1 article bhi likh sakte hai. Bas blogging me gap na le. Jo blogger achhe mukam par pahuch gaye hain unke liye ye factor mayne nahi rakhta hai.

Aur bhi bahut si bate hain, lekin jab main iske bare me detail se discus karunga tab aur detail me bataunga. Filhal aap ye soche ki aap ghar baithe kaise paise kama sakte hain, aur apne blog banane ke bare me soche.







Final Words: 

Main Bas ab itna kahna chahunga ki aap blogging ki power ko jaan hi gaye honge, itna kam invest karke itna jyada kisi aur jagah nahi kamaya ja sakta hai, is liye blogging me apna career banaye, agar career nahi banana chahte hain to part time 2-4 ghante kam karke bhi aap achha paisa kama sakte hain. Ab aap blog banana seeke.  Agar aap Blog nahi bana sakte hain to aap Hame order bhi de sakte hain. Aap Hame digitonly@gmail.com par email karke apna order de sakte hain.

Agar aap blogging nahi karna chahte hain bas aap apne business ko badhane ke liye ek website banwana chahhe hain to bhi aap ek sasti si website banwa sakte hain. Agar aap school, Transport, Bus service, Hostel, Hotel, Kisi shop Ya personal website jaise ki kisi doctor, Advocate, ya famous person ki website banwa sakte hain.
Filhal aap ghar baithe paisa kamane ke tareeke seekh chuke hain, aur ye bhi jaan gaye hain ki blogging karke kaise paisa kamaya ja sakta hai. Agar aapko kisi bhi tarah ki jankari chahiye to hame email kare. Is article ko sabhi ke sath share kare jisse jyada se jyada log help pa sake.




This post have 4 comments

avatar
Tanveer Hussain delete December 24, 2016 6:35 pm

Nice post Bro ....

1)Ap apni article me kon sa font use karte ho
2) Apki axact ki template free hai ya premium

Reply
avatar
Haidar Khan delete February 08, 2017 7:54 pm

Internet se Paise Kamane ke/ Ke Bahut acche tarike bataye apne thanks your sir.

Reply
avatar
Siegfried Emmelmann delete September 27, 2017 12:17 pm

Hello to all, the contents existing at this site are really remarkable for people knowledge, well, keep up the nice work fellows. gmail email login

Reply


EmoticonEmoticon

Next article Next Post
Previous article Previous Post

Advertisement