.

Saturday, September 03, 2016

15 Point Reliance Jio Sim Se Jude Jinhe Janna Hai Zaroori

author photo

Reliance jio sim ne market me apne pair jama diye hain. Aap na chahte hue bhi ye sim Lena chahenge, kyo ki company ke offers hi aise hain jise aaj tak kisi ne bhi nahi diya. Jio sim ki charcha poore India me hai. Aur jab Maine iske baare me pahla article likha tha tab hi bataya tha ki sim ka Malik aisa hai jo Kuch bhi kar sakta hai. Lekin us samaye market me sim ka price 200 rupaye bataya ja raha tha, Lekin free 4G ne users ko to lubhaya hi sath hi dusari badi companies ke tote uda diye.




jio sim data plans jankari kuch zarrori points


Chaliye aaj Kuch charcha karte hain Kuch aise points ke baare me jinke baare me aapne shayad na suna ho, aur hinge sunkar aapko fayada bhi ho.


1. Reliance jio sim Ab tak ka dunia me sabse sasta 4G data dene wali company hai.


2. Jio sim ke free offer ka labh 31 December tak liya ja sakta hai, yani ki jo time 3 months ka tha Ab use 4 months ya Usse bhi jyada kar diya gaya hai. Isse purane users jinhone LYF ke mobiles liye the, Unko achha fayda hoga.

3. jio sim ke costomers ko kewal ek hi service ke paise dene honge. iske liye company ne kuch plans ko nikala hai. Plans janne ke liye aap yaha click kare.


4. March 2017 tak ya usse pahle jio ko bharat me 90% logo tak pahuchane ka plan banaya ja raha hai. ye network world ka sabse bada network banne ja raha hai.


5. jio sim ke apps ko book karne ke liye 1500 rupaye ka charge rakha gaya hai, aapko kewal saal me ek baar hi paise dene honge.


6. Jio sim ke grahako ko duniya ka sabse sasta net diya jayega. ye company aapko matra 50 rupaye me sabse sasta 4g data dene ja raha hai, jisme aapko 1GB ka data diya jayega, jaha dusari companies abhi 275 ya usse jyada le rahi hain. isi karan se dusari companies ko khoon ke aansu rone pad rahe hain.


7. 1 GB data ke baad aapse /mb ka charge nahi lagega balki aapko /Gb ka charge dena hoga aur wo bhi matra 25 rupaye.


8. Company aage chalkar data speed 1gbps karne ki soch rahi hai, iska matlab aap 1gb ki movie ko 1 second me download kar sakenge.


9. 15 minute me aap jio sim pa sakte hain iske liye aapke paas kewal aadhar card hona chahiye.


10. Jio sim ke users ke liye koi bhi "Black out day" nahi hoga. yani ki kisi special day (Diwali, holi, independence day etc) par aisa nahi hoga ki aapka tariff plan kaam na kare. Aapka tariff plan hamesha kaam karega.


11. Jo log 2G ya 3G data plan use karna chahte hain wo ek router lekar assani se chala sakte hain. iska chage kewal 1999 rupaye hoga.


12. Roaming ke liye aisa kiya gaya hai ki aap india me kahi bhi jaaye aapko network to milega hi sath hi roaming ka koi bhi charge nahi lagega, yani ki koi incoming call ke paise nahi lagenge.


13. Jio sim ke plans me 19 rupaye ka sabse sasta data plan rakha gaya hai, sabse kam data use karne wale ke liye is plan ko rakha gaya hai.


14. jio ke data plans me 19 rupaye se lekar 4999 rupaye tak ka data plan hai. jisme 149 se 4999 tak ke plan me calls, sms, app charge aur kayi services free di gayi hain.


15. Plans ke sath jio hotspot data bhi diya ja raha hai, jaisa jiska plan hoga utna hi hotspot data diya jayega.


Students ke liye bhi jio sim me ek special offer rakha gaya hai, isme student ke liye alag se 20% data diya jayega. ise student offer naam diya gaya hai.



Sach kahe to jio mobile network ek alag hi pahchan bana raha hai, ye offer kewal costomers ko gumrah karne ke liye nahi hain, balki sach me company ka sapna hai ki wo india ko sabse sasta data plan denge. Anil ambani ne ise "data-giri" bhi kaha hai.


Agar aapke paas abhi tak sim nahi hai to jald se jald jio digital store jakar aap sim pa sakte hain. aur jio ke free welcome offer ka labh pa sakte hain. is samaye india bas jio jio jio ga raha hai.

This post have 0 comments


EmoticonEmoticon

Next article Next Post
Previous article Previous Post

Advertisement