.

Friday, January 22, 2016

Paragraph Tag, Horizontal line, Line Break, center tag | Lesson 5

author photo


Html Tutorial 5: Paragraph Tag, Horizontal line, Line Break, center tag 



Aap 4 tutorial seekh chuke hain, ab tak aap basic html program , head tag, body tag, title tag aur headings ke types jaan chuke hain. Aapko ko samasya hai to aap question punch sakte hain. Aaj hum kya seekhenge is par nazar dalte hain.

             ·       Paragraph Tag <p> kaise likhte hain
             ·       Line Break <br/> Tag kya hai
             ·       Center Tag <center> kaise use karte hain
             ·       Horizontal line <hr/> kaise banate hain

Aaj hum body tags ke andar use hone wale tags ke bare me seekhenge. Kaise in tags ko use kiya jata hai isko hum gahrai se samjhenge. Chalo ab ek ek par dhyan dete hain.



Paragraph Tag:

Jaisa naam waisa kaam, ye tag hum tab use karte hain jab hame koi ek paragraph likhna hota hai. Jaise hame koi paragraph likhna hai to hum us paragraph ko <p> aur </p> ke andar likhna hota hai. Tab html me usko paragraph mana jata hai. Chalo ek program likhte hain.


<! Doctype html>
<html>
<head>
<title> Paragraph ka example </title>
</head>
<body>
<p>
Dosto, ye lesson number 5 hai, jisme hum paragraph likhna seekh rahe hain. Iske sath hi hum text ke center me karna , horizontal line banana, line break karna seekhenge.
</p>
</body>
</html>


Is code me maine paragraph likha hai, ab ye output kaisa dega iska result dekhte hain. To aap log bhi apna ek paragraph likhkar notpad++ me save kare, fir output dekhe.




Abhi aapne dekha ki iska output kaise aa raha hai. Lekin main chahta hoon ki ye ek lambi line me na aakar do line me aaye, to kya karna padega. Zara socho, chalo main wo apply karta hoon jo aap soch rahe hain.


<! Doctype html>
<html>
<head>
<title> Paragraph ka example </title>
</head>
<body>
<p>
Dosto, ye lesson number 5 hai, jisme hum paragraph likhna seekh rahe hain.
Iske sath hi hum text ke center me karna , horizontal line banana, line break karna seekhenge.
</p>
</body>
</html>

Ab dekhte hai iska output.




Areee iska bhi output yahi aaya. To kya hum html me second line me nahi likh sakte? ……. Nahi dosto aisa nahi hai. Iske liye hame ek special tag use karna padega. Jise kahte hain Line break Tag <br />.



<br /> tag:

Br tag hi wo tag hai jise hum line break ke liye use karte hain. <br /> tag ko empty element tag bhi kaha jata hai. Yaha opening aur closing tags nahi hote hain. <br /> tag me forward slash aur br ke beech me ek space hota hai. But hum new browsers me bina space ke bhi use kare to bhi kaam karta hai. Word file me hum line change karne ke liye ENTER dabate hain theek usi tarah html me Enter ki jagah par <br /> tag ka istemal kiya jata hai. Chalo upar wala code change karke dekhte hain.


<html>
<head>
<title> Paragraph ka example </title>
</head>
<body>
<p>
Dosto, ye lesson number 5 hai, jisme hum paragraph likhna seekh rahe hain. <br /> Iske sath hi hum text ke center me karna , horizontal line banana, line break karna seekhenge.
</p>
</body>
</html>


Ab iska output dekhte hain.




Iska output waisa hi aaya jo hum chahte the. To dosto hame dusari line me likhne ke liye <br /> tag ka use karna hoga.



<hr /> tag:


Hr tag ko hum tab use karte hain jab ham eek horizontal line draw karni hoti hai. <hr /> tag <br /> tag ki gtarah hi hota hai. Isme bhi opening aur closing tags nahi hote hain. Chaliye ise kaise use karte hain, Seekhte hain.


<! Doctype html>
<html>
<head>
<title> Paragraph ka example </title>
</head>
<body>
<p>
Dosto, ye lesson number 5 hai, jisme hum paragraph likhna seekh rahe hain.
<hr />
Iske sath hi hum text ke center me karna , horizontal line banana, line break karna seekhenge.
</p>
</body>
</html>


Ab iska output dekhte hain kaisa aata hai.



To dekha aapne dosto, kaise do line ke beech me ek horizontal line aa rahi hai. Aise hi horizontal line ko use kiya ja sakta hai. To chaliye ab seekhte hain text ko center me karna.



<center> tag:

Agar main kisi line ko center me likhna chahta hoon to mujhe <center> tag ka use karna hoga. <center> tag me dono tags hote hain opening aur closing. Dekhte hain kaise isko use kiya jata hai.

<html>
<head>
<title> Paragraph ka example </title>
</head>
<body>
<center>
<p> Dosto, ye lesson number 5 hai, jisme hum abhi text ko Center me karna seekh rahe hain. </p>
</center>
</body>
</html>


Ab iska output dekhte hain.




To Dosto aapne Text ko center me karna bhi seekh liya hai. Abhi aap html me css ka use karna nahi seekh rahe hain. Isi liye aapko text me color aur style nahi dikh raha hai. Abhi hum pahle html ke saare basics ko ache se samjhenge fir css bhi seekhenge.
Aaj ke liye bas itna hi. Next tutorial me hum janenge html me Element kya hota hai. Element aur Tags me kya difference hota hai. Element kaise use kiye jate hain. Kaun kaun se element hote hain.



Aasha karta hoon aapko hamare tutorial pasand aate honge. Aapko agar koi question puchna ho to aap comment kare. Comment karne ke liye aap sabse pahle login kare.



Aapko hamare tutorial pasand aa rahe hain to inhe share aur like karna na bhule. Hamne blog par star rating bhi add kar rakhi hai jisse aap rating de kar tutorial ki quality ko bata sakte hain.


This post have 5 comments

avatar
Pankush Chhabra delete February 22, 2016 1:03 am

Html code ko browser me open kaise karte hai

Reply
avatar
Digit Only delete February 22, 2016 12:40 pm

aap notpad++ ko use kare. lesson no 1 me maine bataya hai.

Reply
avatar
Pankush Chhabra delete February 24, 2016 4:01 pm

Sir mai phone me use karta hu android

Reply
avatar
Pankush Chhabra delete February 24, 2016 6:40 pm

Html ke baki ke lesssion kab likho ge plz jaldi

Reply
avatar
Digit Only delete February 25, 2016 5:15 pm

to aap webmaster html app ka use kare. maine uspar likha hua hai.
http://www.digitonly.com/2016/01/android-me-html-code-kaise-likhe.html
upar diye gaye link ki post padhe. Appko baaki ke tutorial jaldi diye jayenge.

Reply


EmoticonEmoticon

Next article Next Post
Previous article Previous Post

Advertisement