.

Sunday, January 24, 2016

Html In Hindi: Element Kya Hote Hain | Lesson 6 | Element Aur Tag Me Difference

author photo


What Is Element | Difference In Tag And Element


Aapne abhi tak 5 Tutorial seekh liye hain jisme aapne jana paragraph tags kya hain, center tag kya hote hain, line break tag kya hai, horizontal line tag kya hai. Aur aaj ke tutorial me hum kya kya janenge is par ek nazar daalte hain.

*  Elements Kya hote hain
*  Element Aur Tag me kya Antar hota hai
*  Nested Elements Kya hote hain
*  Nested Element kaise use karte hain


              Mujhse kuch logo ne puncha tha ki, kya hum html code ko Android phone me likh sakte hain. To maine un bhaiyo ke liye Ek android app ke bare me likha hai. To aap apne html program android phone me bhi likh sakte hain. Chaliye ab tutorial par aate hain.



Element:

Abhi tak aapne jo bhi <> (angular bracket) me dekha wo element hota hai, jaise <html> , <head>, <title>, <body> aur bhi bahut se. Lekin ab aap ye soch rahe honge ki abhi tak aap inhe tags kahte aaye, aur aaj elements. To chalo aaj elements aur tags me difference batate hain.



Element Aur Tag me Difference:

Asal me dosto, tags aur element me koi jyada antar nahi hai. Jaise hum baat karte hain <head> ki, to head me 2 tags hote hain <head> aur </head>. Jaha <head> ek opening tag hai aur </head> ek closing tag hai. To dono ko jab alag alag bola jayega to wo tag kahlata hai. Aur agar hum element ki baat kare to dono tags ko milakar banne wala element kahlata hai. Jaise <head> aur </head> ek element hai.

To ab aapko tags aur element me difference samajh aa gaya hoga. Chaliye ab jante hain Nested element kya hote hain.



Nested Element:

Nested element wo element hote hain jo kisi ek element ke opening aur closing tag ke andar use kiye jate hain. Jaise agar hame kisi line ko bold, italic ya underline karna hai to hame inko paragraph tags ke andar use karna hoga. Chaliye iska ek program likhte hai.

Program likhne se pahle aap ye samjhe. Main program me ek paragraph likhna chahta hoon. Jaha main “digitonly.com” ko bold , “hindi me html” ko italic aur “saral bhasha” ko underline me likhna chahta hoon. To ab program likhte hain.



<!DOCTYPE html>
<html>
<head>
<title>Nested Element</title>
</head>
<body>

<p>
Hello Doston, Aap <b>digitonly.com</b> par <i>hindi me html</i> seekh rahe hain. jaha aap <u>saral bhasha</u> me html language ko bade aaram se seekh arhe hain.
</p>

</body>
</html>



Ab iska Output dekhte hain. Kya jaisa main chahta tha wahi aaya ya nahi…






Ab aap agar dhyan se dekhe to jaisa hum result chahte the bilkul waisa hi aaya hai. Hame jitna text bold karna tha to utne text ko hamne <b> aur </b> ke andar likh diya. Aur jitna italic likhna tha utne text ko <i> aur </i> ke andar likh diya, theek jitna hame underline karna tha utne text ko maine <u> aur </u> ke andar likh diya.
                              To aaj dosto aapne Text ko bold, italic, aur underline karna seekha. Sath hi aapne jana ki element aur tags me kya antar hota hai. To aaj ke liye bas itna hi. Dosto meri ek request hai aap sabhi daily in tutorial ka revision karte raha kare, jisse aapko html language bahut aasan lagne lage.

                                 Chaliye ab ek nazar next tutorial par maarte hain. Next tutorial me hum janege ki attribute kya hote hain, attribute kaun kaun se hote hain, inhe kaise use karte hain.

Aapko hamare tutorial pasand aa rahe honge. Apse anurodh hai ki hamare tutorial apne dosto me jarror share kare aur like karna na bhule.



1 comments:

avatar
Pankush Chhabra delete February 24, 2016 3:57 pm

Sir html ke 7 ke bad koi lession nahi hai plz aage ke lesdion jaldi post karo

Reply


EmoticonEmoticon

Next article Next Post
Previous article Previous Post

Advertisement